موقع كورساتي

أحيانًا في زحمة الكورسات حوالينا بنتوه، مبنعرفش نبدأ بأنهي كورس، وياترى هلاقي الكورس الفلاني في الموقع الفلاني ولا لأ. عشان كدة النهاردة هنعرفك بموقع حلو جدًا مجمعلك كل دة وزيادة في مكان واحد بس.
 
طبعًا كلنا عارفين محرك بحث جوجل، وعارفين بنستخدمه إزاي، بمجرد ما نكون عايزين نعرف أي حاجة عن أي حاجة بنكتب أي كلمة ليها صلة بالموضوع وهتظهرلنا كل حاجة عن الموضوع. طب تعرف إن فيه موقع شبيه بجوجل جدًا بس في مجال الكورسات؟.
 
هنتكلم النهاردة عن موقع اسمه “كورساتي” https://coursaty.me/ . الموقع دة يعتبر محرك بحث لوحده خاص بالكورسات بس! وشبه جوجل جدًا، يعني بمجرد ما تكتب كلمة “موسيقى” مثلًا بيظهرلك كل الكورسات الخاصة بالموسيقى، وهكذا أي كورسات تاني في أي مجال مختلف.
 
كورساتي بيقدم أكتر من 700 كورس لأساتذة مختلفين، وبيصنفهم بطريقة تضمن إنك متتشتتش وأنت بتدور على الموضوع اللي عايزه. الكورسات دي بتشمل كورسات في الموسيقى، الهندسة، اللغات، الصحافة، والأديان، وغيرها من الكورسات المتنوعة.
 
موقع “كورساتي” بيجمع كل المحتوى بتاعه من المواقع التعليمية التانية أو من المواقع الخاصة بالڤيديوهات زي “يوتيوب” مثلًا.
 
وكمان “كورساتي” مش موقع قاصر على الكورسات، لأ هو كمان بيقدملك كتب وروايات في أكتر من مجال:- العلوم، والتاريخ، والأدب، وغيره.
 
كورساتي كمان منسيش إنه يرشحلك مواقع تعليمية تانية سواء عربي أو إنجلش، وهتلاقي هناك قسم بأهم المواقع دي.
 
لو تايه في عالم التعليم الإلكتروني، فـ Edufi بترشحلك موقع “كورساتي” عشان تقدر ترتب أفكارك.