mac, freelancer, macintosh

Google موقع

مجال التسويق الرقمي واحد من أكتر المجالات المطلوبة في سوق العمل في مجال
التسويق بشكل عام، طبعًا لإن التكنولوچيا بقت شئ أساسي في حياتنا وشغلنا كمان.
أنت دلوقتي لما تسمع كلمة جوجل بيجي في دماغك على طول محرك البحث أو
الخدمات اللي بيقدمها زي درايڤ والأبليكيشنز بتاعته.
بس تعرف إن جوجل واحد من أكبر وأهم المواقع اللي بتقدم كورسات للتعليم
الإلكتروني؟ ناس كتير مكانتش تعرف المعلومة دي، وعشان كدة إحنا في المقال دة
هنعرفك شوية تفاصيل كدة عن الموضوع هتخليك تستفاد من جوجل أكبر استفادة.
جوجل بيقدم كورسات في 3 مجالات أساسية، وهي كالآتي:-
التسويق الرقمي
التطوير الوظيفي
البيانات والتكنولوچيا
والحوار مش صعب إطلاقًا، أنت بتدخل على جوجل وبتختار الكورس وبيكون عبارة
عن مقاطع فيديو مدتها حوالي 5 أو 7 دقايق بتتفرج عليه وبعدين بيتدي يسألك أسئلة عن
المحتوى اللي اتقدملك عشان يتأكد إنك فهمت واستوعبت المحتوى كويس، ودة طبعًا على
كل درس في الكورس استعدادًا للامتحان النهائي.
وعشان يتأكد إنك فعلًا استفدت من الكورس، فجوجل بيعملك امتحان في أخر
الكورس مكون من أسئلة شاملة كل النقاط اللي اتشرحتلك، وبيحددلك نسبة نجاح كمان
والأسئلة بتكون تفصيلية جدًا، يعني بيسألك عن حاجات ممكن تكون فاكرها بسيطة بس هو
بيهتم بيها طبعًا، وهي حاجات هتفيدك جدًا لما تيجي تشتغل.
جوجل في النهاية بيديك شهادة معتمدة منه وتقدر تشاركها مع صحابك أو تحطها
في السي ڤي وأنت بتقدم على أي شركة.
اللينك : https://learndigital.withgoogle.com/maharatgoogle