person, reading, tablet

TERA COURSES موقع

عمرك تخيلت مثلًا إنك قاعد في مدرج في كليتك والدكتور واقف قدامك بيشرح، وفجأة تنام خمس دقايق وتصحى تلاقي الشرح فاتك في جزئية مهمة، روحت رفعت إيدك في وش الدكتور عشان يوقف شرح وروحت حركتها بسرعة ناحية الشمال عشان ترجّع الجزئية اللي فاتتك وتسمع شرحها تاني؟ مستحيل صح؟

لأ مش صح، لإن واحدة من أهم فوايد التعليم الإلكتروني إنك مش هتفوتك أي فقرة بتتشرح، لإنك لو بتتعلم من خلال الإنترنت فأنت تقدر ترجّع أي حاجة تتقال في المحاضرات المُسجَّلة في أي وقت، ودي من أكتر المميزات اللي بيوفرها التعليم عن بُعد.

حابين نقولك إن فيه مواقع ومنصات تعليمية كتير بتوفر كورسات في مجالات مختلفة حسب اللي أنت حابب تتعلمه وتتقنه وتكون شاطر فيه. وإحنا في المقال دة هنعرفك بواحد من أهم المواقع دي وهو موقع “تيرا كورسات”.

موقع “تيرا كورسات” بيعمل حاجة جميلة جدًا، وهي إنه بيجمعلك كل الفيديوز التعليمية اللي موجودة على اليوتيوب وبيعملها تصنيف كدة عشان يحطلك الكورسات اللي تبع مجال بعينه مع بعض وهكذا، عشان وأنت بتتعلم متكونش مُشتَّت وعينك متتوهش.

ولإن “لولا اختلاف الأذواق لبارت السلع” فالموقع مش بيجبرك تحضر لمُحاضِر بعينه، عشان طبيعي إن مش كل الناس هتحب طريقة شرح محاضر واحد، فهو بيوفرلك مُحاضرين كتير في المجال الواحد عشان تشوف بنفسك أنهي محاضر عرف إزاي يوصل فكرته ليك بطريقة سلسة وبسيطة.

حاجة كمان مهمة، موقع “تيرا كورسات” مش بيديلك الكورس ويجري وخلاص كدة عمل اللي عليه، لأ هو بيتابع مع كل المُتعلمين، أنت يدأت إمتى؟ وبدأت بإيه؟ ووصلت في الكورس لحد إيه؟ وبييعت إيميلات لكل المتعلمين عشان يتابع معاهم أول بأول، بحيث إنك في الأخر تقدر تستفيد بيه سواء في حياتك التعليمية أو المهنية في الشغل.

عايزين نقولك إن بمجرد ما بتنجز 90% من محتوى الكورس – طبعًا من غير ما تتجاوز مراحل بدون اجتيازها – بتجيلك على الميل بتاعك شهادة معتمدة من الموقع وتقدر تستخدمها في الـ C.V الخاص بيك لما تقدم على أي عمل.

إيديوفاي بتشرحلك موقع “تيرا كورسات” عشان تبدأ تتعلم من خلاله وتزود حصيلتك المعرفية عن بُعِد.

اللينك : https://teracourses.com/ar

Leave a Reply

Your email address will not be published. Required fields are marked *