keyboard سرعة الكتابة علي الـ

“ااسرهة نطلوبة لكن الدقة هي مل شيء”
ده اللي بيحصل معانا اما نحاول نكتب بسرعة جدا على الكيبورد, في الامتحانات أونلاين بتواجهنا مشكلة سرعة الكتابة على الكيبورد ولازم نحقق المعادلة الصعبة نكتب كل كلمة بشكل صحيح وبسرعة عشان وقت الامتحان في المقال ده هنقولك خمس خطوات عشان تكتب أسرع
اشتري كيبورد حروفه كبيرة نسبيا وحروفه مقعرة تناسب شكل صباع الايد ده هيقلل أخطاء الكتابة
اشتريت خلاص وبتذاكر محاضرتك أونلاين, كالعادة هتفتكر تتأمل في الكيبورد الجديد في وقت المذاكرة بس التأمل جه بفايدة فهتلاقي حرفين مرتفعين عن باقي الحروف هم ال
(j , ت), و (F أو ب)
 دول مهمين جدا تعالى اقولك في ايه
في حروف اسمها حروف التشغيل الأساسية أو  HOME ROW الحروف دي اتسمت كده لإن الصف ده اللي صوابعك بتبدأ بيه وتنتهي عنده دايما وانت بتكتب
 درب ايدك اليمين دايما على ان السبابة تبقى على حرف ال( ت,j )وباقي صوابع ايدك اليمين على (ن,k) و(م,l ) ، اما بالنسبة للايد اليسرى ركز السبابة على حرف (ب,f) وباقي صوابعك على (ي,d) و(س,s) و(ش,a) وكل ماتشيل ايدك من على الصف ده الحرفين المرتفعين معملوين عشان يرجعوا صوابعك بالترتيب للوضع الصح
درب نفسك وانت بتكتب تبص للشاشة أغلب الوقت وتبص على الكيبورد من وقت للتاني تتأكد بس من أماكن الحروف، في الأول الموضوع هيبقى صعب وهيبقى في غلطات في الكتابة بس مع الوقت هتتعود وتكتب أسرع بكتير من سرعتك الأصلية
 متسندش ايدك على الكيبورد وانت بتكتب وحافظ على استقامة ضهرك 
درب ايدك على الكتابة بشكل سريع باي وسيلة تناسبك في الشات مع صاحبك, في لعبة على الموبايل أو بالمواقع الخاصة بسرعة الكتابة زي موقع Speed Typing Online https://www.speedtypingonline.com/typing-test
الموقع بسيط جدا بيديك فقرة تعيد كتابتها عشان تقيس كتبت كام كلمة في الدقيقة ايه الحروف اللي اتلغبطت فيها عشان تركز في اماكنها كويس وايه الحروف اللي أتأخرت في كتابتها وانت بتدور عليها.
وفي الاخر نقول “السرعة مطلوبة، ولكن الدقة هي كل شئ”.. – زينوفون